تازه ها
د هواککړتیا راکمولو او مخنیوي په هکله سلګونو تنو ته عامه پوهاوی ورکړل شو
۱۴۴۵کال
د جمادي الاول ۲۸/ ننګرهار
هر کال د ژمي موسم په راسیدو سره د هېواد په لویو ښارونو کې
د هواککړتیا کچه لوړیږي چې د ډول ډول ناروغیو لامل ګرځي دا چې د حکومت تر څنګ هېوادوال
هم په دې برخه کې مسوولیت لري چې د هواککړتیا راکمولو او مخنیوي په برخه کې همکاري
وکړي؛ د چاپېریال ساتنې ملي ادارې د هواککړتیا راکمولو او مخنیوي لپاره بشپړ تدابیر
نیولي چې د خلکو عامه پوهاوی یې هم یوه برخه ده په همدې پار د ننګرهار ولایت د چاپېریال
ساتنې ریاست د عامه پوهاوي ټیم له خوا په جلال آباد ښار کې د نصرت عالي لیسې سلګونو
زده کوونکو، ښوونکو او مسئولینو ته د هوا،
اوبو او خاورې ککړتیا د لاملونو، اضرارو او مخنیوي په هکله عامه پوهاوی ورکړل شو.
د یادې لیسې ښوونکو ژمنه وکړه چې وخت په وخت به زده کوونکو
ته د چاپېریال ساتنې په هکله معلومات ورکوي همدا راز د زده کوونکو د لا پوهاوي په
خاطر ۵۰ دانې
چاپ شوي بروشرونه چې چاپېریال معلومات پکې لیکل شوي وو، پر زده کوونکو وویشل شول.
چاپېریال ساتنه زموږ ټولو دیني او ملي مسوولیت دی، راځئ چې
خپل چاپېریال پاک وساتو!
