وروستی
میدان وردګو او پکتیکا کې د چاپېریال ساتنې په موخه څارنې وشوې
۱۴۴۸ کال د ربیع الأول۱۲مه نېټه/ میدان وردګ-پکتیکا
د میدان
وردګو او پکتیکا ولایتونو د چاپېریال ساتنې ریاستونو نظارتي ټیمونو له لوري د چاپېریالي
معیارونو د تطبیق، د ککړتیا د مخنیوي او فعالیتونو د چاپېریالي وضعیت د ارزونې په
موخه یو لړ نظارتي فعالیتونه ترسره کړي دي.
د میدان
وردګو ولایت د چاپېریال ساتنې ریاست نظارتي ټیم له لوري د چرګانو فارم، د سرب، مسو
او سیخ تولیدي فابریکې د فعالیتونو څخه لیدنه وشوه او مسؤلینو ته یې د چاپېریالي
اصولو د رعایت په هکله لازمې لارښوونې او سپارښتنې وشوې.
پکتیکا
کې د ښاري ککړتیا او کثافاتو د مخنیوي په موخه د اړوندو ادارو استازو په حضور
مشورتي غونډه ترسره شوه او اړوندو فعالیتونو ته د چاپېریالي معیارونو د رعایت
لپاره یوه اوونۍ وخت ورکړل شو.
همداراز،
د پکتیکا په خوشامند او وازېخوا ولسوالیو کې د دوو پمپسټېشنونو چاپېریالي نظارت
ترسره او د مفتشینو لخوا ورته د شنې ساحې رامنځته کولو، د چاپېریالي لارښودونو د
عملي کولو او د چاپېریالي بودیجې د سم مصرف په اړه لازمې سپارښتنې وشوې.