وروستی
په لغمان کې د مهلکو ججو په واسطه د ماهیانو د ښکار مخنیوی وشو
۱۴۴۴کال د شعبان ۲۹مه/ لغمان
د لغمان ولایت د چاپیریال ساتنې ریاست، د وحشي ژوو د ښکار د مخنیوي په موخه د ماشه خیلو سیمه کې د ماهیانو د ښکار په موخه جوړه شوې ججه چې مخکې هم یو ځل تخریب شوې وه، بیاځلي ورانه او وسایل یې په اوبو لاهو شول؛ جوړ شوی موانع او دیوال تخریب شو او له مسوولینو څخه یې د یاد عمل د نه تکرار تضمین واخیستل شو.
د یادونې وړ ده چې د ښکار د مخنیوي لپاره په مکرر ډول له ټولیزو رسنیو، اعلامیو، غونډو او خبرتیاوو له لارې خلکو ته پوهاوی ورکړل شوې او همداراز د ټولو ولسوالیو، اړوندو همکارو ملکي او نظامي ادارو ته هم د ښکار د مخنیوي لپاره د لازمو اجراآتو د ترسره کیدو په تړاو مکتوبونه لیږل شوي دي؛ ترڅو د هیواد دغه سرمایه خوندي پاتې شي.