وروستی
په کونړ او کندهار کې سلګونو زدهکوونکو او ښوونکو ته د چاپېریال ساتنې په اړه پوهاوی ورکړل شو
د
چاپېریال ساتنې عمومي ادارې د طبیعي سرچینو د ساتنې، د چاپېریالي ککړتیاوو د مخنیوي
او د چاپېریال ساتنې د فرهنګ د پیاوړتیا په موخه په کونړ او کندهار ولایتونو کې د
عامه پوهاوي پروګرامونه ترسره کړل.
د
کونړ ولایت د چاپېریال ساتنې ریاست د عامه پوهاوي مدیر د مکلي متوسطې ښوونځي ۷۱۰ تنو ښوونکو او زدهکوونکو ته
د ځنګلونو د ارزښت، د ونو او بوټو د ناقانونه پرېکولو د مخنیوي، د اقلیمي بدلونونو
د ناوړه اغېزو او د اوبو، هوا، خاورې او غږیزې ککړتیا د مخنیوي په اړه اړین
معلومات وړاندې کړل.
همدارنګه،
د کندهار ولایت د چاپېریال ساتنې ریاست د اطلاعاتو او عامه پوهاوي عمومي مدیر، سمیعالله
وزیري، د سید جمالالدین افغان لېسې زدهکوونکو ته د هوا، اوبو او خاورې د ککړتیا
د مخنیوي، اقلیمي بدلونونو، د طبیعي سرچینو د ارزښت او د پاک چاپېریال د ساتنې په
اړه پوهاوی ورکړ.
د
دغو پروګرامونو موخه د ښوونکو او زدهکوونکو د چاپېریالي پوهاوي لوړول، د پاکوالي
د فرهنګ پیاوړتیا او د طبیعي سرچینو د ساتنې او د چاپېریالي ستونزو د مخنیوي په
برخه کې د هغوی د مسؤلیت احساس پیاوړی کول وو.
د
دواړو ښوونځیو مسؤلینو، ښوونکو او زدهکوونکو د چاپېریال ساتنې په برخه کې د همکارۍ
ژمنه وکړه او د ځنګلونو، طبیعي سرچینو او پاک چاپېریال د ساتنې لپاره یې د خپلو هڅو
پر دوام ټینګار وکړ.
د
چاپېریال ساتنې عمومي اداره د عامه پوهاوي د پروګرامونو له لارې د چاپېریال ساتنې
د فرهنګ پراختیا او د خلکو د فعالې ونډې پیاوړتیا ته ژمنه ده.