وروستی
لغمان کې د عمریه دارالعلوم ۲۰۰ طالب العلمانو ته د چاپېریالي موضوعاتو په اړه عامه پوهاوی ورکړل شو
۱۴۴۸ کال د جمادي الاول ۵مه نېټه/ لغمان
د لغمان ولایت د چاپېریال ساتنې ریاست د اطلاعاتو او عامه
پوهاوي مدیریت له لوري د عمریه دارالعلوم دیني مدرسې ۲۰۰ طالب العلمانو او
استادانو ته د چاپېریال ساتنې په اړه عامه پوهاوی ورکړل شو.
د عامه پوهاوي یاده غونډه د لغمان ولایت د عمرزیي اخندزادهګانو
کلي کې د عمریه دارالعلوم کې جوړه شوې وه چې موخه یې د چاپېریال ساتنې، طبیعي سرچینو
د ارزښت او د ککړتیا د مخنیوي په اړه د طالب العلمانو او استادانو د عامه پوهاوي
کچې لوړول و.
د غونډې په ترڅ کې د لغمان ولایت د چاپېریال ساتنې ریاست د
عامه پوهاوي ټیم له لوري د نیالګیو کېنولو او ساتنې، د حفظالصحې د رعایت، د هوا،
اوبو او خاورې ککړتیا د مخنیوي، د کثافاتو د سم مدیریت او د اقلیمي بدلون د ناوړه
اغېزو په اړه هر اړخیز معلومات وړاندې شول.
په پای کې د چاپېریال ساتنې په اړه د طالب العلمانو د
پوهاوي په موخه د «روغ چاپېریال، روغ ژوند» تر سرلیک لاندې معلوماتي بروشرونه هم
ووېشل شول. همدارنګه، څلور تنه زدهکوونکي د چاپېریالي رضاکارانو په توګه ثبت او
راجستر شول؛ ترڅو د چاپېریال ساتنې په برخه کې د عامه پوهاوي او مثبتو فعالیتونو
په پراختیا کې ونډه واخلي.