وروستی
کونړ کې د یخچالونو او ایرکنډیشنونو د ترمیم له ورکشاپونو څخه نظارت وشو
د
چاپېریال ساتنې عمومي اداره د چاپېریالي ککړتیا د مخنیوي، د اوزون طبقې د ساتنې او
د اقلیمي بدلونونو د اغېزو د کمولو په موخه د نظارت او عامه پوهاوي فعالیتونه
ترسره کوي.
په
همدې لړ کې، د کونړ ولایت د چاپېریال ساتنې ریاست مسؤلینو د اسعدآباد ښار د دویمې
ناحیې په کرهالي سیمه کې د لعل پاچا او محمدزمان د یخچالونو او ایرکنډیشنونو د
پلور او ورکشاپونو څخه لیدنه وکړه.
د لیدنې
پر مهال، د ورکشاپونو مسؤلینو ته د معیاري او مناسبو ګازونو د کارونې، د چاپېریالي
ککړتیا د مخنیوي او د اوزون طبقې د ساتنې په اړه عامه پوهاوی ورکړل شو؛ همدارنګه د
ورکشاپونو د فعالیتونو او کاري وضعیت په اړه معلومات راټول او د چاپېریالي اصولو د
رعایت په موخه لازمې سپارښتنې وشوې.
د
چاپېریال ساتنې عمومي اداره د عامه پوهاوي او دوامدارې څارنې له لارې د چاپېریال
ساتنې او د اقلیمي بدلونونو د اغېزو د کمولو په برخه کې د ټولو اړخونو پر همکارۍ ټینګار
کوي.