وروستی
په ننګرهار کې د رونا معدن شرکت د نفرایټ ډبرو د استخراج له ساحې څخه بیاځلي چاپېریالي ارزونه ترسره شوه
د ننګرهار
ولایت د چاپېریال ساتنې ریاست د فعالیتونو د ارزونې ټیم د ګوشتې ولسوالۍ اړوند د
غني تنګي په سیمه کې د رونا معدن، استخراج او پروسس شرکت د ډبرو د استخراج له
قراردادي ساحې څخه د چاپېریالي وضعیت د ارزونې په موخه بیاځلي لیدنه وکړه.
د لیدنې
پر مهال د شرکت د فعالیتونو د اوسني وضعیت په اړه اړین معلومات راټول شول او د چاپېریالي
نیمګړتیاوو د حل، د چاپېریالي قوانینو او اصولو د پلي کولو او د ککړتیاوو د مخنیوي
او راکمولو په موخه د شرکت مسؤلینو ته لازمې لارښوونې او سپارښتنې وشوې.
د
شرکت مسؤلینو د چاپېریالي شرایطو د بشپړ رعایت او پلي کولو ژمنه وکړه او ډاډ یې څرګند
کړ چې د چاپېریال ساتنې اړوند اصول به عملي کوي.
د یادونې
وړ ده، چې نوموړي شرکت په سیمه کې د چاپېریال د ښهوالي او زرغونتیا په موخه سلګونه
د مېوهلرونکو او غیر مېوهلرونکو نیالګیو د کېنولو ترڅنګ د سیمې د زرغونتیا په
برخه کې هم ونډه اخیستې ده.
د
چاپېریال ساتنې عمومي اداره د طبیعي سرچینو د ساتنې، د کانونو د استخراج پر مهال د
چاپېریالي اصولو د رعایت او د ککړتیاوو د مخنیوي په موخه د اړوندو فعالیتونو څارنه
مهمه بولي.