وروستی
د چاپېریال ساتنې ملي ادارې کارکوونکو ته د اسلامي نظام د ساتني او ارزښت په اړه اصلاحي وینا واورول شوه
۱۴۴۵کال
د مُحرم ۹نېټه/
کابل
د چاپېریال ساتنې
ملي ادارې د دعوت او ارشاد رياست له لوري د اصلاحي ويناوو په لړ کې نن د محرم
الحرام په ۹مه
نېټه د دې ادارې ټولو کارکوونکو او مسوولینو ته "د اسلامي نظام د ساتني او
ارزښت په اړه د هیواد یو تن دیني عالم مولوي عنایت الرحمن بهیج له خوا هر اړخیزه
اصلاحي وینا وړاندې شوه.
غونډه د قران عظیم الشان په تلاوت پیل شوه ورپسې شیخ القران
والتفسیر مولوي عنایت الرحمن بهیج د اسلامي نظام د حفاظت او اهمیت په هکله تفصیلي
وینا وکړه.
ښاغلي بهیج پر مسوولینو او کارکوونکو غږ وکړ چې خپلې دندې
په پوره مسوولیت او ایماندارۍ سره ترسره کړئ، خپلو دندو ته متوجه شئ، د امراوو
اطاعت وکړئ او خپل ژوند د شرعي احکامو مطابق عیار کړئ.
