وروستی
په هرات کې د کوټن په نوم درې وحشي الوتونکي ونیول شول
۱۴۴۵کال
د جمادي الاول ۲مه/
هرات
د هرات ولایت د چاپېریال ساتنې ریاست نظارتي ټیم د ښکار د
مخنیوي په موخه درې کوتڼې چې په ښار کې ترې د سوداګریزو تبلیغاتو لپاره په
ناقانونه توګه استفاده کیده، ضبط او ونیول شوې.
د دې ریاست مفتشینو د نیول شوو کوټنو مالکینو ته د چاپېریال
قانون او مقرراتو او صوتي ککړتیا په هکله لازم معلومات ورکړل او سپارښتنه یې ورته
وکړه چې که بیاځلي له مارغانو څخه په سوداګریزو اعلانونو کې ګټه پورته کړي او ونیول
شول، د قانون منګولو ته به وسپارل شي.
نیول
شوې کوتڼې اوسمهال د الوتنې ځواک نه لري او ترڅو چې پخپله الوزي، د ساتنې او پالنې
لپاره د شیخ احمد کهدستاني ښارګوټي ژوبن ته وسپارل شوې.
د یادونې وړ ده چې د تېر یوه کال په لړ کې د هرات ولایت د
چاپېریال ساتنې ریاست له خوا په سلګونه ډول وحشي بڼې نیول شوې او بېرته طبیعت ته خوشې شوي دي.