وروستی
د کابل ښار بېلابیلو ناحیو کې د ۶۳ مختلفو اصنافو له فعالیتونو څخه څارنه شوې
۱۴۴۵کال د رمضان ۱۳مه/ کابل
د چاپېریال ساتنې ملي ادارې مفتشینو مرکزي ټیمونو د کابل ښار
د هواککړتیا راکمولو، مخنیوي او په ټولو فعالیتونو کې د چاپېریالي اصولو د تطبیق
په موخه د تېرې یوې اونۍ په لړ کې د کابل ښار بېلابیلو ناحیو کې د مختلفو اصنافو
(کلینیکونو، رستورانتونو، ریګریشنونو، لبنیات پلورونکو، حمامونو،کلچه پزیو او قصابیو)
له فعالیتونو څخه نظارت وکړ، مالکینو ته یې موجوده چاپېریالي نیمګړتیاوې او ستونزې
په ګوته کړې او سپارښتنه یې ورته وکړه چې خپل فعالیتونه د چاپېریال قانون او اصولو
مطابق ترسره کړي.
د یادونې وړ ده چې د چاپېریال ساتنې ملي ادارې مفتشین په مرکز او ولایتونو کې د هر
ډول صنعتي او عادي فعالیتونو څخه په دوامداره توګه نظارت کوي او څوک چې د چاپېریالي
اصولو څخه سرغړونه کوي د قانون منګولو ته سپارل کیږي.
چاپېریال ساتنه زموږ ټولو ایماني او وجداني مسوولیت دی؛ راځئ چې خپل چاپېریال
پاک او سمسور کړو!