وروستی
لښکرګاه کې د غږیزې ککړتیا د مخنیوي په موخه د موټرسایکلانو د پلور شرکتونو مسوولینو ته عامه پوهاوی ورکړل شو
۱۴۴۵کال د شوال ۲۸مه/ هلمند
د هلمند ولایت د چاپېریال ساتنې ریاست مسوولینو لخوا په
مرکز لښکرګاه ښار کې د صوتي ککړتیا د مخنیوي په موخه د موټرسایکلو د پلور شرکتونو
مسوولینو ته د لوړ غږ لرونکو هارنونو او سلنګسرونو د اضرارو، پېر او پلور د مخنیوي
په هکله عامه پوهاوی ورکړل شو.
د هلمند ولایت د چاپېریال ساتنې رئیس ملا محمد عیسی اغا په
وینا د ولایت مقام په همکارۍ او لارښوونه د اړوندو ریاستونو استازو په شمول یو ګډ
کمیسون جوړ شوی؛ ترڅو په ښار کې د لوړ غږ لرونکو سلنګسرانو او هارنونو مخه ونیول
شي کوم چې د غږیزې ککړتیا لامل او د لښکرګاه ښاریانو د ازار او اذیت سبب ګرځي.
د لښکرګاه ښار د موټر سایکلونو د پلور شرکتونو ته سپارښتنه
شوې چې نور دې لوړ غږ لرونکي سلنګسرونه او هارنونه نه خرڅوي؛ همدا راز هغوی ته یوه
میاشت وخت ورکړل شوی چې لوړ غږ لرونکي سلنګسرونه او هارنونه دې ختم کړي.
د یادونې وړ ده چې د هواککړتیا د راکمولو او مخنیوي مقررې
په اساس هر ډول وسایل چې له مجاز حد څخه زیاد لوړ غږ تولیدوي او د هېوادوالو د
ازار او اذیت لامل شي؛ استفاده، پېر او پلور یې بند دی. که هر څوک له دې امر
سرغړونه وکړي اصولي چلند به ورسره وشي.