وروستی
د عبادت د ارزښت او څرنګوالي په هکله اصلاحي وینا وړاندې شوه
۱۴۴۵کال د ذی القعدې ۲۸مه/کابل
د چاپېریال ساتنې ملي ادارې د دعوت او ارشاد رياست له لوري
د اصلاحي ويناوو په لړ کې نن پنج شنبه د ۱۴۰۳کال د غبرګولي په ۲۸مه نېټه د دې ادارې د کول
حشمت خان غونډو په تالار کې د عبادت د ارزښت او څرنګوالي په هکله اصلاحي وینا وړاندې
شوه چې پکې د دې ادارې مسوولینو او کارکوونکو ګډون کړی وو.
غونډه د قران عظیم الشان مبارکو ایتونو په تلاوت پیل شوه
ورپسې د چاپېریال ساتنې ملي ادارې عمومي رئیس حافظ عزیزالرحمن د عبادت د ارزښت او څرنګوالي
په هکله هر اړخیزه وینا وکړه او په خپلو خبرو کې یې وویل: موږ باید په احسنه توګه
د الله تعالی عبادت وکړو او د عبادت مفهوم دا دی چې ټول ظاهري او باطني افعال او
اعمال چې الله تعالی پرې رضا کیږي او خوښوي یې، هغه عبادت دی؛ نو موږ ته پکار ده چې
خپل ځانونه د الله تعالی اوامرو ته تسلیم کړو او داسې عبادت ترسره کړو لکه الله
تعالی چې موږ ویني.
که هر چا سره داسې احساس پیدا شي چې خپل ټول افعال او اعمال
د الله تعالی لپاره ترسره کړي او په دې فکر کې وي چې د الله تعالی لخوا څارل کیږم،
که داسې عقیده په هر انسان کې پیدا شي نو دا بیا کامل مسلمان دی.
ښاغلي حافظ صاحب وویل: د انسان د پيدایښت مطلب دا دی چې د
الله تعالی عبادت وکړي؛ نو موږ باید خپل نیتونه اصلاح او خپل ورځنی ژوند داسې
برابر کړو چې الله تعالی مو اقوال او افعال په عبادت حساب کړي.
