وروستی
د طبي زبالو د تنظیم په موخه غزني کې د یوه روغتون څخه نظارت ترسره شو
۱۴۴۶کال د ربیع الاول۱۵مه/ غزني
د طبي زبالو د تفکيک او تنظيم په موخه د غزني ولایت د چاپېریال
ساتنې ریاست مفتشینو لهخوا د رحمن معالجوي روغتون له ټولو څانګو څخه هر اړخيز
نظارت ترسره شو.
د څارنې په ترڅ کې د نوموړي روغتون مسئول ته د طبي او غير
طبي زبالو د تفکيک، په هره څانګه کې په کافي اندازه د زبالهدانيو نصبولو او د
زبالو د ټولولو لپاره د ځانګړي او خوندي ځای پر جوړولو لازمې سپارښتنې وشوې.
د یادونې وړ ده چې د چاپېریال قانون احکامو مطابق د ټولو
دولتي او خصوصي روغتونونو او کلینیکونو مسوولین مکلف دي چې طبي زبالې له عادي
زبالو څخه تفکیک او په ځانګړو زبالهدانیو کې واچول شي؛ همدا راز په ټاکل شوو ځایونو
له منځه یووړل شي.