وروستی
لسګونو زده کوونکو ته د مختلفو چاپېریالي مسایلو په هکله عامه پوهاوی ورکړل شو
۱۴۴۶کال د ربیع الاول۲۸مه/ کابل
د چاپېريال ساتنې ملي ادارې د عامه پوهاوي ټيم لخوا د کابل ښار
په ۶مه
ناحيه کې د جهان نمبر(۹) خصوصي
لېسې لسګونو تنو زده کوونکو ته د اقليمي بدلون د ناوړه اغېزو، ګلخانهیي ګازونو،
چاپېريال ساتنې په برخه کې د فردي او ټولنيزو مسؤليتونو او د اوبو، هوا او خاورې
ککړتیا د اضرارو په هکله عامه پوهاوی ورکړل شو.
د عامه پوهاوي ټیم لخوا زده کوونکي د چاپېريال ساتنې په
برخه کې خپلو مسؤليتونو ته متوجه شول او ټولو ته سپارښتنه وشوه چې په دې برخه کې
خپل مسؤليت ترسره کړي.
چاپېریال ساتنه زموږ ټولو ملي مسوولیت دی؛ راځئ چې خپلو
ماشومانو ته په کوچنیوالي کې چاپېریال ساتنه ور زده کړو!