وروستی
میدان وردګو کې ۱۶ الوتونکي د ښکاریانو له منګولو خلاص او ازاد شول
۱۴۴۷ کال د صفر ۳۰مه/میدان وردګ
د میدان وردګو ولایت د چاپېریال ساتنې رئیس مولوي الله محمد
ذاکر په مشرۍ مفتشیو لخوا د امنیتي مسؤلینو په همکارۍ اووه تنه ښکاریان د ښکاري وسایلو او (۱۶) الوتونکو سره ونیول شول.
د نیول شوو ښکاریانو، ښکاري وسایل ضبط او نیول شوي الوتونکي
ازاده فضا کې خوشې شول او ښکاریانو ته عامه پوهاوی ورکړل شو چې بیاځلي به ښکار نه
کوي، له نوموړو همدا راز لیکلې ژمنې واخیستل شوې چې د بیاځلي نیولو په صورت کې به
عدلي او قضایي ارګانونو ته وسپارل شي.
د یادونې وړ ده چې د ا.ا.ا. مشرتابه د حکم په اساس په ټول هیواد
کې د وحشي ژوو، مارغانو او کبانو ښکار او قاچاق بند دی؛ که هر چا له دې امر څخه
سرغړونه وکړه د قانون منګولو ته به وسپارل شي.