وروستی
د میدان وردګو مرکزي روزنتون ۹۰ تنه طالب العلمانو او استادانو ته عامه پوهاوی ورکړل شو
۱۴۴۷ کال د شعبان لومړۍ نېټه/ وردګ
د میدان وردگو ولایت د چاپېریال ساتنې ریاست د عامه پوهاوي ټیم
لخوا دمرکزی روزنتون (۹۰) تنو طالب العلمانو او استادانو
ته چاپېریال ساتنې، اقليم بدلون، فردي حفظ الصحې، د شنو ونو او بوټو ساتنې، اوبو،
هوا او خاورې ککړتیا په اړه عامه پوهاوی ورکړل شو.
له ټولو استادانو او طالب العلمانو څخه غوښتنه وشوه چې
ترلاسه کړي معلومات تر نورو ورسوي او په دې ملي مسؤلیت کې ونډه واخلي.
دغه راز چاپېریال
ساتنې ته د لا هڅونې په موخه طالب العلمانو ته يو شمېر تبلیغاتی توکي هم وويشل شول.