وروستی
د چاپېریال ساتنې ملي ادارې عمومي رئیس د فراه ولایت د چاپېریال ساتنې ریاست له مسوولینو سره وکتل
۱۴۴۷ کال د رمضان لومړۍ نېټه/ پکتیا
د چاپېریال ساتنې ملي ادارې عمومي رئیس الحاج مولوي مطیع
الحق خالص فراه ولایت ته د رسمي سفر په ترڅ کې د فراه ولایت د چاپېریال ساتنې ریاست
له رئیس او کارکوونکو سره وکتل. په دې ناسته کې د ادارې پر کاري بهیر، لاسته راوړنو،
ستونزو او راتلونکو پلانونو هر اړخیز بحث او خبرې وشوې.
عمومي رئیس کارکوونکو ته لازمې سپارښتنې او لارښوونې وکړې
او ټینګار یې وکړ چې د خپلو ورسپارل شوو مسؤلیتونو د اداء کولو په برخه کې دې لا زیات
اخلاص، تعهد او جديت وښيي. همدارنګه یې د چاپېریال ساتنې قوانینو د پلي کېدو، عامه
پوهاوي د پیاوړتیا او د طبیعي سرچینو د خوندي ساتنې پر اهمیت خبرې وکړې.
نوموړي څرګنده کړه چې د چاپېریال ساتنې برخه یو ملي مسؤلیت
دی او ټول کارکوونکي باید د هېواد د طبیعي شتمنیو د ساتنې لپاره ګډ او منظم کار وکړي.
په پای کې د فراه ولایت د چاپېریال ساتنې ریاست مسؤلینو د
عمومي رئیس له سفر او لارښوونو څخه مننه وکړه او ژمنه یې وکړه چې د ادارې د پالیسیو
او سپارښتنو په تطبیق کې به جدي هڅې کوي.