وروستی
ننګرهار او کونړ کې د تولیدي فابریکو او اصنافو فعالیتونه و ارزول شول
۱۴۴۷ کال د ذوالحجې ۱۸نېټه/ننګرهار-کونړ
فعالیتونو
کې د چاپېریالي اصولو د تطبیق، ککړتیا راکمولو او مخنیوي په پار د ننګرهار او کونړ
ولایتونو د چاپېریال ساتنې ریاستونو نظارتي ټیمونو له لوري د تېرې ورځې په لړ کې د
یو شمېر تولیدي فابریکو او مختلفو اصنافو د فعالیتونو له څرنګوالي څخه نظارت ترسره
شو.
د ننګرهار
ولايت د چاپېريال ساتنې رياست د فعاليتونو د ارزونې ټيم له لوري د جلالآباد ښار اړوند
شيخ مصري صنعتي پارک کې د هېواد احمد صورتزاده د پلاستيکي توکو توليدي فابريکې څخه
د چاپېريالي ارزونې په موخه ليدنه ترسره شوه.
د
ليدنې پر مهال د ياد فعاليت د اوسني وضعيت په اړه اړين معلومات راټول او د موجوده
نيمګړتياوو د حل لپاره مسؤلينو ته لازمې لارښوونې وشوې. همدارنګه د چاپېريالي شرايطو
د لا ښه تطبيق، د ککړتياوو د مخنيوي او راکمولو په موخه اړينې سپارښتنې وشوې.
همداراز
د کونړ ولایت د چاپېریال ساتنې رئیس ډاکټر محمد الرحمن صابر په مشرۍ نظارتي ټیم له
لوري اسعد اباد ښار کې د مختلفو اصنافو (د یخ تولیدي شرکتونو، هوټلونو، قصابیو او
نانوایانو) د فعالیتونو له څرنګوالي څارنه وشوه.
د
نظارت په لړ کې د ذکر شوو اصنافو مسوولینو ته د شخصي حفظ الصحې او چاپېریال ساتنې،
چاپېریالي اصولو او مقرراتو په هکله پوهاوی ورکړل شو او سپارښتنې ورته وشوې چې خپل
فعالیتونه اصلاح او چاپېریال ساتنې ته جدي پاملرنه وکړي چې هغوی هم د عملي
اقداماتو ژمنې وکړې.