وروستی
مرکز او ولایتونو کې د عامه پوهاوي او نظارتي فعالیتونه ترسره شول
۱۴۴۸ کال د محرم ۲۸نېټه/ کابل-ننګرهار-کونړ-میدان
وردګ
د
چاپېریال ساتنې عمومي ادارې ولایتي ریاستونو له لوري د عامه پوهاوي، چاپېریالي
ارزونې او نظارتي فعالیتونو پر دوام، کابل، ننګرهار، کونړ او میدان وردګو ولایتونو
کې یو لړ اقدامات ترسره شوي دي.
د
کابل ولایت د چاپېریال ساتنې رئیس مفتي محمد عمر سالار او طلوع ټلوېزیون رئیس فریدالله
محمدي تر منځ د چاپېریالي ستونزو د حل، د عامه پوهاوي د کچې د لوړولو او د دواړو
لورو ترمنځ د همغږۍ د پیاوړتیا په موخه کاري غونډه ترسره کړه. په دې غونډه کې د
رسنیو د اغېزمن رول، د عامه پوهاوي د پروګرامونو، لنډو مستندونو، پیغامونو او ګډو
رسنیزو فعالیتونو د پراختیا په اړه هر اړخیز بحث وشو. دواړو لورو د چاپېریال ساتنې
په برخه کې د دوامدارې همکارۍ او د عامه پوهاوي د پروګرامونو د لا پراختیا ژمنه وکړه.
د
کانونو د استخراج په چارو کې د چاپېریالي اصولو د تطبیق په پار د ننګرهار ولایت د
چاپېریال ساتنې ریاست د ارزونې ټیم لخوا د ګوشتې ولسوالۍ د څپرې څلورم بلاک په سیمه
کې د ګرین سټون په نوم د نفرایټ ډبرو د استخراج او پروسس شرکت له قراردادي ساحې څخه
چاپېریالي ارزونه ترسره شوه. د ارزونې پر مهال د چاپېریالي وضعیت په اړه معلومات
راټول شول او مسؤلینو ته د چاپېریال قانون او مقرراتو د تطبیق، ککړتیا د مخنیوي او
د موجوده نیمګړتیاوو د اصلاح په اړه لازمې سپارښتنې وشوې. د شرکت مسؤلینو د چاپېریالي
اصولو د بشپړ عملي کولو ډاډ څرګند کړ.
په
همدې لړ کې د کونړ ولایت د چاپېریال ساتنې رئیس ډاکټر محمدالرحمن صابر په مشرۍ
نظارتي ټیم له لوري د مرکز اړوند نواباد بازار کې د احسان الله ځلاند په نوم روغتیایي
کلینیک څخه نظارت ترسره شو. د څارنې پر مهال د طبي او عمومي کثافاتو د تفکیک،
مناسب مدیریت او د چاپېریالي جواز د ترلاسه کولو وضعیت و ارزول شو او مسؤلینو ته د
چاپېریالي اصولو او د کثافاتو د مدیریت په برخه کې لازمې سپارښتنې وشوې.
همدارنګه
د میدان وردګو ولایت د چاپېریال ساتنې ریاست نظارتي ټیم له لوري د میدانښار په
سردار محمد داود خان ښارګوټي کې د یو شمېر سپتیک څاګانو د چاپېریالي وضعیت څارنه
او ارزونه وشوه. د ارزونې پایلې د ښاروالۍ له ریاست سره شریکې شوې، ترڅو موجوده ستونزې حل او کثافات ټاکل شویو ځایونو
ته انتقال شي.