وروستی
د طبیعي منابعو د اهمیت، چاپېریال ساتنې او ښکار د مخنیوي په اړه ۵۰۰ ساتونکو ته عامه پوهاوی ورکړل شو
۱۴۴۸ کال د صفر المظفر ۸مه نېټه/ میدان وردګ
د میدان
وردګو ولایت د چاپېریال ساتنې ریاست له لوري د عامه پوهاوي برنامو پر دوام د دې
ولایت د پولیسو د ښونیز او روزنیز مرکز له مسؤلینو سره په همغږۍ د اسلامي امارت
شاوخوا ۵۰۰
ساتونکو ته د ښکار د مخنیوي، د طبیعي منابعو د اهمیت او چاپېریال ساتنې په اړه یو
ورځنی روزنیز ورکشاپ جوړ شو.
یاد
ورکشاپ د قرآن کریم مبارکو آیتونو په تلاوت پیل شو. وروسته د میدان وردګو ولایت د
چاپېریال ساتنې رئیس مولوي الله محمد ذاکر ګډونوالو ته په وینا کې طبیعي منابع د هېواد
ملي شتمني وبلله او ټینګار یې وکړ چې د وحشي ژوو او مرغانو د ښکار او قاچاق مخنیوی،
او د طبیعي منابعو ساتنه د ټولو امنیتي ځواکونو ملي او شرعي مسؤلیت دی.
هغه
همداراز د اسلامي امارت د ریاست الوزراء عالي مقام د (۱۱۴) ګڼې هدایت، چې د وحشي ژوو،
مرغانو او کبانو د ښکار د مخنیوي په اړه صادر شوی، له ګډونوالو سره شریک کړ او له
ساتونکو یې وغوښتل چې د هېواد په هره سیمه کې د چاپېریال ساتنې او طبیعي منابعو د
خوندي کولو لپاره عملي ګامونه واخلي.
د
ورکشاپ په ترڅ کې د چاپېریال ساتنې ریاست د طبیعي میراثونو عمومي مدیر د طبیعي
منابعو، وحشي ژوو او مرغانو د ارزښت، د ښکار او قاچاق د مخنیوي او نورو چاپېریالي
موضوعاتو په اړه معلوماتي پرېزنټېشن وړاندې کړ.
د میدان
وردګو ولایت د چاپېریال ساتنې ریاست له ټولو امنیتي مسؤلینو وغوښتل چې د وحشي ژوو،
کبانو او مرغانو د ښکار او قاچاق په مخنیوي کې خپل مسؤلیت ادا کړي او له دې ریاست
سره همکاري وکړي.