وروستی
ولایتونو کې د یو شمېر فعالیتونو د چاپېریالي وضعیت څارنې او ارزونې وشوې
۱۴۴۸ کال د صفرالمظفر ۲۲مه نېټه/ میدان وردګ-پکتیکا-ننګرهار
د میدان
وردګو، پکتیکا او ننګرهار ولایتونو د چاپېریال ساتنې ریاستونو نظارتي ټیمونو له
لوري د روغتونونو، صنعتي فابریکو او څارویو د حلالې مسلخ د چاپېریالي وضعیت څارنې
او ارزونې ترسره شوې.
په میدان
وردګو ولایت کې د چاپېریال ساتنې ریاست د څارنې او پلټنې ځانګړي ټیم، د طبي پاتي
شونو د تنظیم کمېټې د استازو په ملتیا، د مرکز میدان ښار له دولتي او خصوصي
روغتونونو او کلینیکونو څخه لیدنه وکړه. د طبي پاتي شونو د سم مدیریت، بېلولو،
انتقال او له منځه وړلو په اړه د روغتیايي مرکزونو مسوولینو ته لازمې سپارښتنې وشوې
او ټینګار وشو چې طبي پاتي شوني په خوندي او معیاري ډول مدیریت کړي.
په
پکتيکا ولایت کې بیا د چاپېریال ساتنې ریاست مسلکي ټیم د ښرنې ښار له مرکزي مسلخ څخه
چاپېریالي ارزونه ترسره کړه. د ارزونې پر مهال د چاپېریال د ککړتیا، بدبویۍ، حفظالصحې،
د کارکوونکو د شخصي خوندیتوب او د شنو ساحو وضعیت وڅېړل شو او مسؤلینو ته د چاپېریالي
اصولو د رعایت په اړه لازمې لارښوونې ورکړل شوې.
همدارنګه،
د ننګرهار ولایت د چاپېریال ساتنې ریاست د فعالیتونو د ارزونې ټیم د سرهرود
ولسوالۍ په شیخ مصري صنعتي پارک کې د سعادت سټیل میل فابریکې چاپېریالي وضعیت و
ارزوه. د لیدنې پر مهال د فابریکې د فعالیتونو په اړه اړین معلومات راټول او مسؤلینو
ته د چاپېریالي نیمګړتیاوو د حل، د ککړتیاوو د مخنیوي او د اړوندو قوانینو د پلي کېدو
په اړه لازمې سپارښتنې وشوې.
د یادو
فعالیتونو په پای کې د اړوندو مرکزونو او فابریکو مسؤلینو د چاپېریالي اصولو د رعایت
او د ورکړل شویو سپارښتنو د عملي کولو ډاډ ورکړ.