وروستی
د چاپېریال ساتنې ادارې عمومي رئيس د آذربایجان له سفیر سره وکتل
١٤٤۸کال د صفرالمظفر ۲۲مه/ کابل
د چاپېریال ساتنې ادارې عمومي رئیس الحاج مولوي مطیعالحق
خالص د خپلو لیدنو کتنو په لړ کې نن پنج شنبه د ۱۴۰۵کال د زمري میاشتې په ۱۵مه نېټه،
افغانستان کې د آذربایجان له سفیر ښاغلي الهام محمدوف سره په خپل کاري دفتر کې
وکتل.
په دغه لیدنه کې د هېواد د چاپېریالي وضعیت د خوندیتوب، سېمهییزې
همکارۍ د پیاوړتیا، د تجاربو د انتقال، نړیوالو کنفرانسونو او غونډو کې د
افغانستان د ګډون، اهمو چاپېریالي
موضوعاتو او اقلیمي بدلون اړوند مسایلو په هکله هر اړخیز بحث او خبرې وشوې.
د چاپېریال ساتنې ادارې عمومي رئیس د آذربایجان هېواد له
دوامدارو همکاریو او دیپلوماتیکو هڅو قدرداني او مننه وکړه. نوموړي وویل که څه هم
افغانستان COP-30 نړۍ وال کنفرانس ته ونه بلل شو، خو د آذربایجان هېواد ملاتړ
او همکاري د ستایني وړ ده او اسلامي امارت یې له هلوځلو مننه کوي.
عمومي رئیس په خپلو خبرو کې وویل چې اقلیمي بدلون بشري
مسئله ده؛ خو له بده مرغه نړۍوال کوښښ کوي چې دا موضوع سیاسي کړي. نوموړي ټینګار
وکړ چې چاپېریالي او اقلیمي موضوعات باید له سیاست څخه جلا او افغانستان په نړۍواله
ټولنه کې مدغم شي.
ښاغلي خالص همداراز د اقلیمي بدلون نړۍوال کنفرانس (COP_31) چې ټاکل
شوې په ترکیه کې ترسره شي؛ د آذربایجان له سفیر څخه وغوښتل چې د ترکیې له حکومت، د UNFCCC له سکرتریت او نورو
اړوندو نړیوالو ارګانونو سره همغږي وکړي؛ ترڅو د افغانستان رسمي ګډون ته زمینه
برابره شي. نوموړي ټینګار وکړ چې د افغانستان ګډون د سیمې د اقلیمي ننګونو د ګډ مدیریت
لپاره یو عملي ضرورت دی.
عمومي رئیس له سفیر غوښتنه وکړه چې د ظرفیت لوړونې، مؤثرو
تجربو شریکولو، چاپېریالي تجهیزاتو د انتقال، ښاري پراختیا او انکشاف پایدار په
برخو کې دې د چاپېریال ساتنې عمومي ادارې سره همکاري وکړي.
په افغانستان کې د آذربایجان سفیر ښاغلي الهام محمدوف له
عمومي رئیس مننه وکړه او د افغانستان او آذربایجان اړیکې یې دوستانه او نه شلېدونکې
وبللې، نوموړي وویل: اذربایجان او افغانستان له پخوا وروڼه هېوادونه دي او زموږ تر
منځ به همکارۍ دوامداره وي. نوموړي ډاډ ورکړ چې د ذکر موضوعاتو د حل او غوښتنو د
پوره کولو لپاره به هلې ځلې وکړي.