وروستی
د چاپېریال ساتنې عمومي ادارې او اسیند مؤسسې ترمنځ د اوبو او زبالو د مدیریت په برخه کې تفاهملیک لاسلیک شو
۱۴۴۸کال د ربیع الأول ۱۷مه/ کابل
د
چاپېریال ساتنې ادارې عمومي رئیس الحاج مولوي مطیع الحق خالص او د اسیند (ASCEND) مؤسسې د رئیس ترمنځ د اوبو او
زبالو د مدیریت او همداراز د هواککړتیا راکمولو په برخه کې د څه باندې ۵۰زره امریکایي ډالرو په ارزښت
د (اقلیمي تابآورۍ او ټولنیز انسجام د پیاوړتیا) په نوم د یوې پروژې د پلي کېدو
په موخه د همکارۍ تفاهملیک لاسلیک شو.
د
دغه تفاهملیک له مخې، یاده پروژه چې د ملګرو ملتونو د ښځو څانګې (UN Women) له لوري تمویلېږي، د پنځو میاشتو
لپاره د کابل ښار د دشت برچي په اتفاق ښارګوټي کې پلې کېږي چې ټولیزه بودیجه یې ۵۰،۷۶۷ امریکایي ډالره ده.
د
پروژې په ترڅ کې به د اقلیمي او چاپېریالي ستونزو په اړه ټولنیزې ناستې او عامه
پوهاوي پروګرامونه ترسره، ۲۰
ولسي کمېټې جوړې او د باران او کورنیو فاضله اوبو د بیا کارونې لپاره ۶۰ سیسټمونه جوړ شي چې د زراعت
لپاره به بیاځلي کارول کیږي، همداراز د
کثافاتو د مدیریت لپاره به د یاد ښارګوټي په مختلفو ځایونو کې ۱۵۰ کثافتدانۍ ځای پر ځای شي.
د
تفاهملیک له مخې به د چاپېریال ساتنې عمومي اداره د اړوندو دولتي ادارو له لارې د
پروژې د پلي کېدو په برخه کې لازمې همغږۍ او تخنیکي ملاتړ ته زمینه برابروي او د
پروژې د فعالیتونو د تطبیق بهیر به څاري.
د دې
تفاهملیک موخه د چاپېریال ساتنې، د اقلیمي بدلون پر وړاندې د ټولنو د تابآورۍ لوړول،
د اوبو او جامدو کثافاتو د مدیریت ښه والی او د چاپېریال ساتنې د فرهنګ پیاوړتیا
ده.